Canedo stá borracho
de bino i augardiente;
Mandou tocar a gaita
delantre de toda giente.
Canedo nun podie
qu’era hora de l sagrado:
Tocórun a rebate
pra le botar la mano.
Yá matórun l Canedo
mas nun fui na sue tierra:
Fui an Santo Anton da Barca
delantre de la capielha.
La giente inda se lhembra
daqueilha maldiçon:
Fazírun la barraige,
mudórun l Santo Anton.
Nun ye culpa de l Canedo
nien da gaita i bordon:
Ye culpa de quien manda
afogar l Santo Anton.
Canedo stá borracho
de bino i augardiente;
Mandou tocar a gaita
delantre de toda giente.
Yá matórun l Canedo mas nun fui na sue tierra: Fui an Santo Anton da Barca delantre de la capielha.
Letra: Tradicional (Trás-os-Montes) e Galandum Galundaina (estrofes incipit “Canedo nun podie”, “La giente inda se lhembra” e “Nun ye culpa de l Canedo”) Música: Tradicional (Trás-os-Montes) Intérprete: Galandum Galundaina (in CD “Quatrada”, Açor/Emiliano Toste, 2015)
Este pandeiro que toco,
este que tengo na mano,
que me lo dou mie cunhada,
la mulhier de miu armano.
Acudi-me, moças!
Beni-me acudir!
Las pulgas son tantas,
nun me déixan drumir…
Bóto-me a agarrá-las,
bótan-se a fugir…
Bóto-me a agarrá-las,
bótan-se a fugir…
Este pandeiro que toco
ten un aro de cortiça;
You toco an Dues Eigreijas,
respónden na Belariça.
Acudi-me, moças!
Beni-me acudir!
Las pulgas son tantas,
nun me déixan drumir…
Bóto-me a agarrá-las,
bótan-se a fugir…
Bóto-me a agarrá-las,
bótan-se a fugir…
Este pandeiro que toco,
a la puorta de la frauga,
fai las moças mais bonitas
chegar l burrico a l’auga.
Acudi-me, moças! Beni-me acudir! Las pulgas son tantas, nun me déixan drumir… Bóto-me a agarrá-las, bótan-se a fugir… Bóto-me a agarrá-las, bótan-se a fugir…
Letra: Tradicional (Planalto Mirandês, Trás-os-Montes) e Galandum Galundaina (estrofe incipit “Este pandeiro que toco / a la puorta de la frauga”) Música: Galandum Galundaina Intérprete: Galandum Galundaina (in CD “Quatrada”, Açor/Emiliano Toste, 2015)
Siga a malta, siga a malta! Siga a malta pra diante! Siga a malta pra diante! Esta malta stá parada só por nun haber quien cante, só por nun haber quien mande.
No tiempo de primabera
todo l mundo reberdece:
Bien lhargo l eimbierno seia
d’amberdecer nun se squece
i naide outra cousa spera
por esso naide se spante
que téngamos esta eideia.
Siga a malta pra diante!
Siga a malta, siga a malta!
Siga a malta pra diante!
Siga a malta pra diante!
Esta malta stá parada
só por nun haber quien cante,
só por nun haber quien mande.
Na selombra dun sobreiro
quememos nuossa merenda:
Çcansados apuis la ronda
i se nun hai quien santenda;
Qualquier un quier ser purmeiro
ou por nada fáien guerra,
nós dezimos que yá bonda.
Siga a malta i trema a tierra!
Siga a malta, siga a malta!
Siga a malta pra diante!
Siga a malta pra diante!
Esta malta stá parada
só por nun haber quien cante,
só por nun haber quien mande.
Siga a malta, siga a malta!
Siga a malta i trema a tierra!
Siga a malta i trema a tierra!
Benga d’alhá quien benir,
esta malta nun arreda!
Esta malta nun arreda!
Anriba deste cabeço
l praino bemos, i Spanha;
Mas l cielo nunca l bimos,
muito hai quien mos anganha;
Yá muitá tubo esse ampeço
por esso rábia mos medra
i a cantar eiqui benimos.
Esta malta nun arreda!
Siga a malta, siga a malta!
Siga a malta pra diante!
Siga a malta pra diante!
Esta malta stá parada
só por nun haber quien cante,
só por nun haber quien mande.
Siga a malta, siga a malta!
Siga a malta i trema a tierra!
Siga a malta i trema a tierra!
Benga d’alhá quien benir,
esta malta nun arreda!
Esta malta nun arreda!
Siga a malta, siga a malta! Siga a malta pra diante! Siga a malta pra diante! Esta malta stá parada só por nun haber quien cante, só por nun haber quien mande.
Letra: Tradicional (Planalto Mirandês, Trás-os-Montes) e Amadeu Ferreira (estrofes incipit “No tiempo de primabera”, “Na selombra dun sobreiro” e “Anriba deste cabeço”) Música: Tradicional (Planalto Mirandês, Trás-os-Montes) e Galandum Galundaina Intérprete: Galandum Galundaina com José Medeiros (in CD “Quatrada”, Açor/Emiliano Toste, 2015)
https://www.meloteca.com/wp-content/uploads/2020/03/galandum-galundaina.jpg400400António Ferreirahttps://www.meloteca.com/wp-content/uploads/2018/03/Logomarca-MELOTECA-300x86.jpgAntónio Ferreira2020-03-12 22:38:352020-05-28 14:35:10Siga a malta
